ICU直播:為了收視和曝光?

藝員昏迷入院,有關電視台於ICU外進行直播,美其名是跟進最新情況,但家屬就不知是怎個滋味了;亦有個別藝員因不當言行而遭抨擊,到底是無心之失抑或怎樣,相信只有當事人自己明白。光怪陸離,每天新奇。

(來源:娛樂LOL)

余德丞昏迷入ICU Big Big Channel喺醫院做直播被網民鬧爆

無綫新一代男神余德丞(Dickson)昨晚喺西營盤踢波,期間突然暈倒,之後被送往醫瑪麗醫院,據知Dickson目前仍然喺深切治療部(ICU)。事件震驚整個娛樂圈,唔少記者都留喺醫院守候,希望可以得到佢嘅最新情況。無綫旗下藝人出事,Big Big Channel當然都有派人去現場啦,佢哋仲喺醫院做直播。

不過Big Big Channel呢個直播行為就引起網民猛列批評,紛紛留言鬧爆佢哋「入ICU都照做節目」丶「唔好騷擾佢屋企人」丶「為收視可以去到幾盡」及「探佢再加植入式廣告」等等。

雖然Big Big Channel呢個行為令到好多人反感,不過佢嘅出發點可能都係知道大家好關心Dickson?!唔少網民都有留言幫Dickson打氣,希望Dickson真係聽到大家嘅祝福快啲醒啦!

(來源:明報)

網民鬧爆ICU直播 林子博:報道娛樂新聞係我嘅職責

余德丞(Dickson)昨晚踢波期間昏迷被送往瑪麗醫院,在深切治療部(ICU)接受治療,情況危殆。傳媒聞訊皆趕到醫院採訪,包括TVB的攝製隊,在病房外等新消息。TVB的主持林子博在Big Big Channel作現場直播,報道現場情況。有網民反感,留言鬧爆,「全年無休 入icu都照做節目」、又說「TVB不放過直播賺錢機會兼呃Like」、問有沒有帶TV Buddy探班;有「祝」收視創新高,有質疑是否關心藝人;有沒有底線;還有更多負面的留言。

翻看林子博的直播片段,其實他只是站在一旁作現場報道,未上前騷擾余德丞的家人與朋友,所講的也是大家最關心余德丞的情況。對於網民的抨擊,林子博在facebook作回應,他留言:「報道娛樂新聞係我嘅職責,包括直播娛樂新聞。你可以唔認同一間電視台,亦都可以唔關心一個你唔認識嘅藝人!但做人真係要積口德,因為病人仲喺病房搏鬥緊。大家一直都係單方面睇報道,以為余德丞處於危殆狀態!但最新消息~有親友喺深切治療部門外公布,Dickson已經脫離危險期,目前情況穩定!關心Dickson嘅朋友、同事及Fans唔需要太擔心!有宗教信仰嘅朋友,可以繼續為佢祈禱!祝願佢早日康復!」

(來源:香港蘋果日報)

無綫繼續ICU直播 瑪麗醫院公關部:唔prefer咁做

28歲無綫新晉男神余德丞(Dickson)前晚踢波期間暈倒昏迷,被送往瑪麗醫院,目前在深切治療部搶救中,仍未甦醒,新聞處表示目前余德丞情況危殆。

大約在早上12時左右,余德丞的經理人到達,其間有一名聲稱是余德丞學弟及其母親到醫院探望,離開前被追問有否見過學長,他們只透露與余媽媽交談,最後表示醫院上下的人都為他們送上祝福。

直到1時30分左右,余媽媽與經理人在三名親友的陪同下,離開深切治療部,對於Dickson目前情況,她們全程未有回應,直到進入升降機後,謝謝大家。

至於無綫,其官方app在余德丞被送入ICU後,積極開Live匯報最新情況,主持人林子博索性就在ICU外開Live,無綫官方fb page亦全力配合,出post稱「想知最新余德丞情況要留意bigbigchannel,林子博會幫大家跟進最新消息!」、「點擊睇更多詳細報導:余德丞(深切治療)現場」,令網民反感。未知是否因此,無綫和app的官方fb page都減少廣告植入字句,但而ICU外直播則仍然繼續。

《蘋果》今日向瑪麗醫院公關部查詢,究竟醫院範圍為咪可以做直播節目?發言人鄺小姐電話回覆話:「其實就唔prefer嘅,但係佢唔影響到人,我哋又好難阻止,當然最好梗係唔好啦!」鄺小姐又稱暫時未收到有投訴,但院方會派員了解情況。

(來源:東方新地)

余德丞最新情況仍危殆 李雯希被轟亂任「代言人」

現年28歲的TVB藝人余德丞(Dickson) 前晚在西營盤中山紀念公園球場踢波,疑身體不適在場外休息,期間暈倒昏迷,其後由救護車送往瑪麗醫院搶救,至今仍在深切治療部留醫。昨日Dickson舊同事李雯希到醫院探望,並對傳媒表示Dickson情況穩定,已渡過危險期,但就被轟亂任「代言人」代余媽媽及經理人發聲,而且消息指其實Dickson至今仍然危殆……

李雯希稱余德丞情況穩定

去到昨晚約六時,前與余德丞在《Think Big天地》合作的藝人李雯希前來探望,佢離開時被大批傳媒包圍追訪。李雯希稱從Dickson家人及經理人口中得知對方現時情況穩定,「所以我哋成班同事都安心晒」不過未有機會見到Dickson本人,所以唔知佢係清醒與否,但就強調係情況穩定,唔係危殆。

臨離開醫院前,李雯希代余媽媽向傳媒表示「多謝大家關心,大家嘅心意都收到嘅。」 最後再加補充謂余德丞已度過危險期。

李雯希被轟亂任「代言人」

雖然話李雯希此舉係出於一番好意,讓外界知道Dickson的情況,但此時此刻突然代表家屬發言,難免令人覺得有「抽水」之嫌!其後Dickson經理人亦回覆傳媒:「Dickson仍在觀察中,一切也要等待醫生報告,所以未有任何回應。亦希望不要再有胡亂的猜測。」

大台經理人鬧爆

至今日凌晨,據知有另一位大台經理人於其個人FB留言,不點名批評有人「抽水」:「不知所謂,我絕對鄙視抽水啲人,請走遠啲!」據悉大台藝人何雁詩亦留言表示生氣,指余媽媽都未出聲,幾時輪到李雯希做「代言人」。

余德丞最新情況仍危殆

截至今日中午,消息指余德丞仍留醫ICU,情況仍然危殆… 余媽媽、經理人及三名親友約於一時二十分離開醫院,未有對在場傳媒談及Dickson的最新情況。

(來源:東網)

好友昏迷!張寶兒晒黑白照出事 袁偉豪護花

藝人余德丞昨晚踢波期間不適被送入院,至今仍留在深切治療部(ICU)留醫,圈中不少藝人都有在社交網發文為他祈禱和集氣。而有份一同演出劇集《鐵探》的張寶兒上載一張余德丞與同劇演員食飯的黑白照,未幾,張寶兒立即將黑白照「下架」,再重新上載一張一模一樣的彩色相片,但短短的時間已經被一眾網民鬧爆。

張寶兒急急回應網民解釋:「我見到都嚇一嚇!一個月前我係draft設定咗圖片filter,今日鋪(post)前改了顏色,但鋪(post)後卻發現佢仲儲存咗一部分之前設定。所以唯有九秒九下架重新設定。希望大家不要有誤會!」不過,大批網民仍不接受她的解釋,繼續鬧爆。

之後,袁偉豪見女友遭網友圍剿,忍不住護花叫眾人到他的IG留言:「相信大家都攰啦!若然想繼續發表的話,到benontheroad留下你們的意見好歡迎,不用再你一言我一語吧!come on!」

見到男友咁緊張自己,張寶兒就回應:「謝謝你。不過不用為我擋。我要解釋的已經解釋過,各人喜歡如何理解可能關乎各人的價值觀。如果是心水清的,或者願意認識我的,就會願意知道我是甚麼人——可能還是有點大意(對不起,我也在一天天學習成長),但絕對對自己的心性和思考有要求。我相信愛是最大的力量,所以會盡我的努力愛身邊所有人。對不起,在你專注開工的時候為你帶來麻煩。請不用把精力放在這裡(裏),我們好好祝福德丞要平安,繼續為他凝聚正能量就好了。」
yutaksing1882.jpg
(來源:新浪香港)

劉家輝「好難笑」 網民鬧爆《東張》做騷

香港最有人情味嘅地方真喺非TVB莫屬,佢認第二就絕對無人敢第一。日前TVB安排劉家輝重返電視城,節目喺《東張西望》播出,自家輝中風後,今次都喺第一次返黎舊地,所以當家輝見返一班老友,如米雪、許紹雄盧宛茵等人,佢都顯得好興奮。

但興奮還興奮,主持人林映輝(輝仔)成日走去問家輝:「開唔開心呀?」,其實輝仔當你問呢句說話個陣,你有無諗過對方喺個曾中風嘅病人呢?家輝控制面部肌肉喺有一定嘅難度架,你估人地唔想笑架? 輝仔問多兩問,家輝就好尷尬咁話:「好難笑呀。」

逼人笑都算喇,喺最後一個環節,輝仔就同米雪準備左啲禮物送比家輝。禮物大定細其實就無關係,正所謂物輕情義重,送啲咩家輝都一定好開心嘅。但喺鏡頭一轉,份禮物竟然喺隻TV Buddy......相信大部分家庭觀眾呢個時候都呆左望住電視機,但輝仔仲要加多句:「你見到呢隻野,就會諗起我地架喇。」點諗起你地呀,咪玩喇!

節目做到呢到都差唔多完,返到去《東張》個錄影廠,個主持嫌仲未夠溫情,加多句:「完全表現出TVB呢個大家庭喺幾咁充滿人情味!」

睇完依一集《東張西望》,大批網民覺得好反感:「有邊個前tbb員工會話呢間公司有人情味。劉師傅咁俾人擺上台真陰公,俾人推住電視城一日遊。tbb知唔知道越係做呢啲多餘嘢越係令人反感。有冇人情味,關啲節目咩事呢,冇質素就係冇質素,垃圾西遊記收視係唔會升架。」、「又唔係今日先中風,有心一早見咗啦,仲喺度懶有人情味」等等。凡事over過頭絕對唔喺一件好事,醒啲喇無記!

留言

秘密留言

自我介紹

藍澤千影

Author:藍澤千影
.某行業老年無能雜工一名
.不知為何喜歡東方和可愛的動漫
請多來多留言~
如發現有影片連結已被移除,歡迎通知以便本人修補,謝謝^^
PS.請勿擅自抄襲本BLOG內容
PSA.請勿用真名稱呼本人XD...

狀態:σ`∀′) ゚∀゚)σ(?)

心情音樂:ポルノグラフィティ
小型聊天室
最新文章
類別
  K-ON (44)
最新留言
月曆
10 | 2018/11 | 12
- - - - 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 -
瞬間看地球(?)
FC2計數器(同一IP一天只計算1次)
來訪者統計(26/3/10開始)
free counters
搜尋欄
連結
部落格好友的申請

和此人成爲部落格好友

月份存檔
RSS連結