食評網的可信性......

食評網被指食評造假、控制負評也不是新鮮事了,現在更有食肆指被食評網索取金錢、不給就撰寫負評,這實在是說不過去吧......不過不少人看食評網也只是為了查地址電話而已,食物如何,自己的舌頭不就是最可信的嗎?

(來源:香港蘋果日報)

一篇食評引發關公災難 小編漏夜拆彈逐個覆

打工仔搵「食」艱難,所以好多網民都會上網搜尋有乜「好西」食,之但係日前就發生咗一件搵「食」風波,間接引發一場「關公」災難。

是咁的,日前有一位自稱有食評Blogger「蘋果的化妝箱」(下稱apple)喺佢嘅個人網頁,講到原先想將佢一篇食評喺另一個網上平台「OpenRice」到同大家分享,可惜呢篇食評卻未能獲得通過,「apple」就只好將篇食評放喺自己個Blog到,仲留言「這篇食記本來是上載到OpenRice,後來不獲批核,還發現了......請看到最後」

食評講到佢並唔係第一次去呢間食肆,之前都已經喺OpenRice留過食評,所以佢都話擔心同一間食肆上載兩篇食評會唔獲批準,但佢本着今次同上次食嘅嘢唔同,同埋今次嘅相影得唔錯,於是乎佢就膽粗粗再上載多一次食評喇,但版主回覆話審議要延遲,叫「apple」等候。

點知等了又等,都未有回覆,「apple」就去再去了解,再等.....終於有結果喇,結果亦如「apple」所料,食評未獲通過,但當時版主有提議「apple」可唔可以加入更多有關食物嘅味道或賣相嘅描述,咦......「apple」就反駁話:「雖然我沒有每碟菜寫200字,但也不算是沒有形容賣相與味道吧?或者在OpenRice編輯的眼中,我409篇食評就只有這一篇『不達標』」。

「apple」深感自己嘅食評被「河蟹」,就覺得好嬲嬲豬喇,就再重提到以前幫襯過啲小店,聽啲小店老闆講如果冇喺佢哋嘅平台落廣告,一定不能得到排名或好評。當時「apple」都會幫個平台辯護,但o依家佢就寄語啲曾受到「真●打壓」嘅小店,唔好低頭喎!

呢個post一出,激起網上熱烈討論,間接引發一場「關公」災難。「apple」噚晚就更新狀況,話不足12小時自己將貼文喺facebook嘅轉載,就有好多網民留言,分享曾被打壓嘅不快經歷,「幾年前已經試過一單,間鋪頭只係試業招呼過啲朋友,因為冇喺OpenRice落廣告,竟然未開張就已經有劣評。」「我之前都試過寫Inter Continental嘅buffet唔得 OpenRice唔俾出,要我改過d字眼之後就無再寫過啦⋯⋯」就係咁,你一言,我一語,突然間「apple」嗰篇嘅食評就可以重見天日喇!

食評得以重見天日,OpenRice亦都喺佢哋嘅fb專頁留千字文澄清,大意係話佢哋冇搵打手寫食評、冇向餐廳推廣收費寫食評,小編仲舉例:「兩年前就因為有公司冒認OpenRice向餐廳推廣收費寫食評服務,我哋亦因此告上法庭,所以我哋好盡力去審批食評,就係希望保持到食評質素。」又不點名反擊「apple」話:「最唔開心就係見到有朋友仔話我哋打壓小店,話無落廣告就無好評或者好排名。其實如果你有留意我哋Facebook或者文章,都唔難見到我哋好多時候都係介紹用心經營嘅地區小店,每年舉辦嘅『開飯熱店大賞』都有表揚茶餐廳同小食店等......」

網民當然好熱烈咁留言啦,短短21小時,就有259個留言(未包留言回覆),與及超過200個分享,而版主為咗拆解呢場「關公」災難,就徹夜不眠咁逐一回覆。好似有網民就話到如果刪除晒啲打手嘅食評,相信嗰個網頁會少咗一半食評。版主就回覆:「我哋都希望可以畀到最接近真實嘅食評大家,如果你知道邊啲食家係打手嘅,好希望你可以檢舉畀我哋知去跟進呀。thanks」

(來源:香港01)

OpenRice話無收錢刪負評 網民唔信齊圍攻

網上餐廳指南OpenRice日前於Facebook專頁貼出「千字文」,強調沒有收錢幫人寫正評,也不會選擇性不刊登負評,結果引爆「關公災難」,大批網民留言分享經驗,聲稱曾被拒登「負評」,又指OpenRice向來選擇性刊登食評。由澄清變成越描越黑,OpenRice回覆《香港01》稱「我哋暫時無其他補充」。

OpenRice日前透過fb解釋,若食評由餐廳店主、員工或代理所寫、會員短時間內多次為一間餐廳寫食評、食評內有嚴重指控等因素,皆不會刊登,更指一直「好盡力去審批食評,就係希望保持到食評質素」。OpenRice指,如果有會員的食評未能刊登,可再作聯絡,會員過往有不少成功「上訴」的例子,又稱歡迎網民檢舉「打手」問題。

拒登小店食評惹質疑

不少網民都推測,今次事件源於一位擁有十多年OpenRice會員資格的傳媒人Meling Lam食評,她日前於個人網誌發表「撐小店:西營盤『明豐粵菜館』」文章,透露不獲OpenRice刊登,即使上訴也沒有反應,「如果這平台真如謠言所述,因為小店付不到廣告費而存心打壓,那我只能在此寄語所有曾受『真‧打壓』苦主,包括食家及食店,不要低頭!有實力的食店一定會撐得住!」其文章獲得網民支持後,OpenRice才「轉軚」刊登。《香港01》曾聯絡Meling Lam,但她婉拒受訪。

OpenRice澄清文章一出,即引起網民批評,兩日內有逾三百人分享,多達四百個留言,有網民指「為什麼不讓大家自由發揮,硬是要多多規則?」不少網民都留言說出自己食評不被刊登經歷,「我試過寫一篇食評彈咗好多次,間嘢明明真係好難食,圖都有埋呀,但就唔比我地寫實話。我睇番間嘢啲食評,好明顯好多都係假嘢!」更不少網民指,曾就食評刊登問題聯絡OpenRice,但都是石沉大海,無法解決問題。儘管OpenRice的fb小編幾乎逐一回覆網民,但仍無法平息大眾質疑。

添好運培哥:以前好在意網上食評

智能手機興起,令港人透過手機「覓食」變得普遍,OpenRice等網上食肆指南,往往成為食肆的顧客來源。添好運點心專門店老闆麥桂培向《香港01》表示,初時很在意網上食評,但漸漸發現網民意見頗為離譜,「試過推出黑松露奶凍後,有人話有火水味喎,自此就無再睇亦都無再介意」。他強調自己日日留守餐廳參與食店工作,深知自己的水準要求。

數年前全線回內地發展的表哥茶餐廳經理林耀榮就認為,寫食評是平常事,「咁有時食得唔開心,或者(對餐廳)印象唔好,實會有人去寫。」林耀榮稱,餐廳仍在港時未曾試過,而現在於內地就有員工負責留意網上評論,又指請「打手」在內地好普遍,「甚至有餐廳新開張時,會請人去排隊,做到熱熱鬧鬧咁」。

騰訊推App挑戰OpenRice

OpenRice由曾任職記者的鍾偉民於1999年創辦,開創香港網上食評先河。網站營運初期曾出現經營困難,後因互聯網、數碼相機普及而廣為流傳,在2009年時被收購,其後更打入內地、台灣、新加坡等地市場。據其網站稱,至今已搜羅了約8萬間餐廳資料,儲存超過92萬篇食評。前年騰訊推出手機應用程式iPick,提供餐廳介紹、撰寫評論等功能,挑戰OpenRice「一哥」地位。

(來源:香港蘋果日報)

餐廳爆料 揭Openrice每間收2萬:唔俾錢有手尾

「或者我再重申一次(其實都講過無數次),我哋真係無收錢幫人寫好評、刪劣評同攞高啲排名嘅服務,亦絕對唔容許有人畀錢食家寫食評。」OpenRice早前發聲明,話自己都對假食評好頭痕,絕對無參與其中。

但餐廳老闆Joe踢爆,OpenRice有一個RMS系統,「很多潛規則,它做了不會承認,可能不是老闆落order,但員工會咁做。」

他指該個RMS系統,收費兩萬多元一年,可以令食肆於OpenRice的頁面出現時,更美觀、又能夠加入餐牌、有優惠又可以顯示出來等。Joe說曾有OpenRice的員工向他推銷這個計劃,「我當時拒絕咗話唔需要,立即就見到有啲L仔,新手食客,寫我餐廳啲負評出嚟。我點解會知?佢貼出嚟既相,係OpenRice嘅sales係我鋪頭影嘅。」

Joe後來被說服,付了兩萬多元加入RMS系統。「加入之前,sales經常暗示可以幫你處理負評,而好評餐廳可以繼續自己寫。不過可能sales同處理食評係兩個部門,因為之後我搵過sales好幾次,佢都話佢無辦法處理負評。」

他對此很無奈,認為OpenRice內部混亂;有些惡意中傷,連相片都沒有的食評繼續留在頁面,沒有被刪除。

(來源:香港01)

「殿堂級」會員指造假 OpenRice刊聲明否認操控食評

食肆指南OpenRice早前被指向食肆收費操縱食評,雖然OpenRice否認,但近日又有該網站「殿堂級食家」會員,公開在網上指OpenRice造假,更表示會到廉政公署舉報。

OpenRice昨日(7月20日)回覆《香港01》指,該名「殿堂級食家」所指不實,並於今日(7月21日)在報章刊登嚴正聲明,稱從未有直接及間接經任何機構或人士,向餐廳提供食評撰寫或操控服務。

於OpenRice會員級數達到最高級別、「殿堂級食家」HK Epicurus因其一篇食評,被該網站定性為受餐廳邀請的「試食活動」。食家不滿,在其facebook專頁及Instagram帳號發帖「爆大鑊」,直指知道餐廳可每月向OpenRice至少付1萬元,「so that the Restaurant Owners can cancel and block out any Negative Reviews submitted by Users」(餐廳東主便可取消及阻截用戶發佈負評)。

「信佢一成雙目失明」

HK Epicurus又指,有銀行界朋友受Openrice邀請,若贊助一百萬元便可協助銀行與餐廳洽談與信用卡公司合作。HK Epicurus批評OpenRice「自己做假就好地地,收人錢獅子開大口,正一垃圾Platform(平台)」,斥「信佢一成雙目失明」,將杯葛OpenRice,並稱將會到廉署報案。

熱話
「殿堂級」會員指造假 OpenRice刊聲明否認操控食評
發佈日期: 2016-07-20 12:01 最後更新日期: 2016-07-21 11:48 撰文: 香港01記者
標籤:
飲食界
食評
| 選擇文章:
食肆指南OpenRice早前被指向食肆收費操縱食評,雖然OpenRice否認,但近日又有該網站「殿堂級食家」會員,公開在網上指OpenRice造假,更表示會到廉政公署舉報。
OpenRice昨日(7月20日)回覆《香港01》指,該名「殿堂級食家」所指不實,並於今日(7月21日)在報章刊登嚴正聲明,稱從未有直接及間接經任何機構或人士,向餐廳提供食評撰寫或操控服務。
早前亦有網民懷疑OpenRice故意收起負面食評。 早前亦有網民懷疑OpenRice故意收起負面食評。
於OpenRice會員級數達到最高級別、「殿堂級食家」HK Epicurus因其一篇食評,被該網站定性為受餐廳邀請的「試食活動」。食家不滿,在其facebook專頁及Instagram帳號發帖「爆大鑊」,直指知道餐廳可每月向OpenRice至少付1萬元,「so that the Restaurant Owners can cancel and block out any Negative Reviews submitted by Users」(餐廳東主便可取消及阻截用戶發佈負評)。
相關文章
OpenRice 可信不可信? 食評原來是咁刪的
【食評風波】OpenRice話無收錢刪負評 網民唔信齊圍攻
「信佢一成雙目失明」

HK Epicurus又指,有銀行界朋友受Openrice邀請,若贊助一百萬元便可協助銀行與餐廳洽談與信用卡公司合作。HK Epicurus批評OpenRice「自己做假就好地地,收人錢獅子開大口,正一垃圾Platform(平台)」,斥「信佢一成雙目失明」,將杯葛OpenRice,並稱將會到廉署報案。

OpenRice稱有人冒認提供服務

OpenRice回覆《香港01》指,HK Epicurus所指並非事實。OpenRice又於報章刊登聲明,表示沒有操控食評,又指市面上有公司或人士提供食評撰寫或操控服務,甚至冒認是OpenRice的附屬或中介公司,OpenRice對此作強烈譴責。OpenRice若發現任何人刊登虛假食評,亦會報警及保留法律追究權利。OpenRice又指,如收到廉署任何查詢或調查,會全力協助,以查清真相。《香港01》曾就此事聯絡HK Epicurus,暫未獲回覆。

OpenRice上月底亦因爆出食評做假風波,而於其facebook專頁發文,指食評若由餐廳店主、員工或代理所寫、會員短時間內多次為一間餐廳寫食評、食評內有嚴重指控等因素,皆不會刊登,更指一直「好盡力去審批食評,就係希望保持到食評質素」。

(來源:明報)

捲食評造假風波 OpenRice指食評不可買賣 食評設審批機制

香港餐廳指南OpenRice近日捲入收錢操縱食評風波,有該網站「殿堂級食家」會員公開指控OpenRice造假,更表示會到廉政公署舉報。不過OpenRice常務董事黃鳳鳴否認事件。

黃鳳鳴於商台節目強調,OpenRice食評不可買賣,「呢個係網站最重要地方,如果真係咁樣考慮,OpenRice唔會十幾年都仲係度,好快就會被淘汰」。

至於被指刪除「負評」,黃鳳鳴解釋說,OpenRice有審批機制,不論正評或負評,都不可含誹謗、中傷或粗言穢語。她又說,食評不應人身攻擊,「你走去批評佢(餐廳員工)嘅髮型、佢嘅樣唔係好嘅話,我哋都會考慮對其他人有無好大意義」。

黃鳳鳴強調,OpenRice須保障寫食評的人、看食評的人和餐廳,平衡各方。

順便轉貼兩篇2013及14年的新聞:
(來源:香港蘋果日報)

餐廳請食免費餐 公關網上造勢
超鱔食評佔領OpenRice


饑腸轆轆的你,十五十六,今晚食飯去邊好?於是你打開手機,上網搜尋。看一看網民推介,發現某某餐廳好評如潮,就這間吧!且慢。不如再看清楚,好評背後,是真心讚頌,還是受到幕後催谷的公關宣傳?本報訪問了全港最大網絡飲食平台OpenRice(開飯喇)與多位知名食評blogger,了解食肆與公關如何透過網絡食評造勢,引君入甕。

本月4至10日,OpenRice突然湧現了八篇關於九龍香格里拉大酒店餐廳Tapas Bar的食評,千篇一律讚好,原來都是餐廳透過公關免費款待blogger試食後的食評,Tapas Bar因此人氣急升。這樣的情況,很多食肆在OpenRice中都有出現。

食評人一日收四邀請

「好多食肆公關都會搵網絡裏面有知名度嘅食家試食,曾經有飲食集團將OpenRice頭兩級嘅會員全部嗌晒去。」在OpenRice食家排名第一的「美食焚化爐」Philip說。他指公關試食活動十分盛行,「越來越多網絡食評人俾人邀請試食,有時一星期可以有七、八次,試過一日之內有四個邀請」。

OpenRice創辦以來共有63.6萬篇食評,單是今年9月已有474萬人瀏覽,網頁瀏覽量更超過一億次。OpenRice常務董事黃鳳鳴強調,該網站非常重視杜絕鱔稿:「我哋有一隊人專責審批食評,睇吓內容有冇失實……OpenRice唔會因財失義,如果做唔到有公信力,就會流失顧客。」

黃鳳鳴說,OpenRice也有關注食肆借用試食活動造勢的情況:「我哋睇緊係唔係去到好嚴重嘅地步,影響緊我哋嘅生態。所以我哋喺餐廳排名同評分嘅方程式入面,都會有針對性嘅加減,盡量平衡番試食活動嘅操控。如果我哋發現有食評人收受咗利益之後寫食評,我哋係唔會批准刊登。」

不過OpenRice本身也有舉辦試食活動,只是以會員聚會的名目進行。網名「LaSingers」的食評人Micky說:「我最近都收到OpenRice邀請,佢哋每年都搞殿堂飯局,專請資深嘅會員試食,食評人亦都會喺事後寫食評,30個人食完,就寫30篇。咁樣唔係咁好,我覺得OpenRice要避忌吓,佢哋作為資訊平台,唔適合介入硬性推廣。」

質素欠奉「呃到幾次?」

黃鳳鳴則回應稱:「我哋好少搞試食活動,平均每個月都冇一次,而且我哋唔會要求會員參加之後寫食評。至於同食肆合作嘅收費,只係收番人手成本,唔係廣告費用。如果外間對我哋安排有意見,我哋可以規定會員試食後唔好寫食評,但係咁樣好奇怪。」

說到底,OpenRice奉勸食肆無謂浪費資源耍花樣,消費者也不必太過看重食評的褒貶。黃鳳鳴說:「我哋有影響力,自然有食肆想利用我哋。打手係存在嘅,但係唔係我哋招惹佢哋幫食評造假,係有可能呃到人,但係呃到幾多次?如果話食評捧紅到一間食肆,但係如果間食肆本身做得差嘅話,係冇可能!我會勸佢哋,與其浪費資源喺呢方面,不如將資源放喺實質嘅地方改進食肆。OpenRice只係一個提供資料嘅平台,裏面嘅食評其實只係一種參考,好主觀,網民唔應該當呢啲指標係冇得輸嘅指引,消費者應該有自己嘅判斷,唔可以將責任畀晒我哋。」

著名blogger有嘢講:小店獲捧紅 失地區特色

講飲講食的社交網絡,捧紅過許多隱世小店,也扼殺了無數地道美食。

「自從OpenRice普及咗之後,一啲經食評唱好嘅食肆,好快就會開分店,變成連鎖集團,最終令到全港各區嘅食肆都差唔多;以前香港好多地區嘅特色美食,好似沙田乳鴿、深井燒鵝、大圍雞粥,𠵱家呢啲地區獨有嘅特色已經消失咗。」blogger Micky說。

港人搵食太羊群

網名La Singers的食評人陳銘基(Micky)本身是一位日本清酒唎酒師,開設私人機構教人品酒。33歲的他不算資深食評人,但高峯期每周寫40多篇食評,因此也獲得公關公司青睞,偶爾請他試食。

成也OpenRice,敗也OpenRice。Micky說:「泰昌、麥奀同蘭芳園呢啲本來都係只此一家嘅地區小店,後來俾網絡推動,成咗名,個個幫襯兼寫食評,分店越開越多,其他一樣賣蛋撻、雲吞麵同港式茶餐嘅街坊食店,就俾人遺忘咗。」

Micky認為,香港人挑選食肆太過羊群心理,但又覺得可以理解:「有時唔到你唔羊群,你同朋友吹水嘅話題,總係離唔開某間新餐廳,好似一蘭咁,個個都去排隊打卡,你唔去過好似傾唔到偈咁。」

著名blogger有嘢講:跟風寫食評 質素無保證

隨着智能手機普及,社交媒體(Social Media)功能逐漸超越傳統印刷媒體,靠網絡凝聚人氣的食評人近年異軍突起,但質素已不像以往有保證。知名blogger Patrick慨嘆:「傳統食家見識廣博,始終以前冇咁多平台發表,當然係啲真係得嘅人先有人搵佢哋寫啦。𠵱家好多人都係穿鑿附會,有啲人連有汽礦泉水都會寫做蒸餾水。」

以「猛烈南瓜在飯桌」網名寫食評的Patrick,2009年憑一篇《陰陽路十二之生化壽屍》名揚網絡。

本身任職酒店業的他,寫食評已有15年,平均每日一篇,產量驚人。最近還有出版社與他合作,計劃明年替他出書。

打手太多不可靠

回想其代表作,Patrick笑稱:「明將嗰篇係玩吓嘅,估唔到俾人推到上高登,後果不堪設想……人係衰嘅,鍾意睇人哋折墮,所以劣食永遠最多人睇。但係結果好多人抱住睇你點衰嘅心態去明將『破地獄』,曲線幫佢宣傳咗。」

去年網絡一度瘋傳一封公開招聘打手寫食評的電郵,按OpenRice會員級別訂明稿酬,每篇20至60元不等,Patrick的朋友也收到該電郵,他說:「香港人好倚賴食評去揀餐廳,以前啲食評比較可靠,𠵱家唔敢講,因為打手太多。」

著名blogger有嘢講:試食列條件 利誘助宣傳

「每個星期我都會收到大約三個試食邀請,有啲會提出條件,例如食完之後一定要寫篇正面嘅食評,或者要交畀佢哋審稿,咁唔make sense,除非我冇錢開飯!」網名「為食龍少爺」的blogger Daniel對公關找blogger幫手宣傳的技倆,已見怪不怪。

受人恩惠唔讚唔得

接受訪問當天,Daniel剛好收到一名公關的電郵,邀請他參與免費試食,明言有車馬費提供,他表示不會接受。經常留意網絡食評的網民都會發現,接受試食邀請後撰寫的食評,十居其九都是好評。

Daniel不諱言說:「人嘅心理係咁,餐飯自己畀錢,自由度一定高好多。如果人哋畀錢,你會多咗考慮,例如畀個笑臉(OpenRice的正評符號)。呢個係正常人類思維,因為你受咗人哋嘅恩惠,呢個現象越來越多。」

Daniel寫食評約有三年經驗,曾出書講述飲食經驗,並為飲食雜誌寫專欄。他指出,網絡食評公信力已大不如前:「網上飲食平台,以前可信性高啲,𠵱家可能只係搵地址電話資訊嘅途徑,好多人都未必再參考裏面嘅食評。成個平台嘅會員都有可能係潛在打手,用家參考食評,應該睇吓食評人嘅資歷、粉絲數量、文章詳唔詳盡等等。」

(來源:FANPIECE)

Openrice打壓試食文

食友圈內近期的熱話,莫過於Openrice近日開始打壓試食文。

某日上Openrice,搜尋有關餐廳的食評,在列表上,只得三數個食評,記得之前此餐廳曾經邀請過不少博客試食,其後我曾在網站上,看過他們的試食文章。為何,不見了?

原來網站將試食文,一律隱藏。要在篩選食評上,選取包含試食活動,才能看到。

Openrice出到辣招來應付,司馬昭之心,路人皆見,我不是三歲小朋友,豈不明白?上年尾蘋果日報,曾經訪問過小弟,有關當今的食評文化,報導之中,更說明現今試食文的風氣,越來越盛行,成為了詬病。

近年Openrice的可觀食評越來越少,有實力的一群,早已建立自己的地盤,後起之秀亦不見得特別好,加上食評整體質素下降,作為有份寫試食文的我,對於Openrice打壓試食文,只想到:(你終於出手了。)

堂堂一個全港最大的飲食網站,公信力是很重要。治亂世用重典,來維護自己的名聲,這是無可厚非。不過,想深一層,究竟,此風氣由幾時開始?

大約是三年多,四年前開始,那時候開始有餐廳,酒店,邀請網上食家試食,有些是Openrice舉辦的活動,亦有些是經Openrice而邀約的。

當初,也許沒有想到,要自己出手,去整頓自己開創出來的風氣。

個人覺得,試食文如果是老老實實,照直寫的話,問題不大,不過有些人做壞規矩,有你無你,總之當正請客的一方為衣食父母,讚到天上有地下無。。。結果跟著光顧的讀者,一一中伏。

當然,打假波的情況亦頗為嚴重,較早前我出過一篇文章,有關開飯網的造假情況,我的意思不是試食文,而是老作的好評。

一粒老鼠屎,壞了一鍋粥,到底開飯今次打壓試食文,有那些人會受到影響?

近日與不同博客,公關朋友們交談過,大約得到以下結論:

1 ) 小型餐廳,我俗稱之為街檔。這些餐廳的規模不大,不會花錢請Marketing公司宣傳,只能親自邀請網上食家們來試食,亦因為礙於規模,名氣,難以吸引一些較有名氣的網上食家/博客前來。(我也有很久沒受到這類餐廳之邀請,可能對方覺得我架子大,不會理睬他們吧。)

所以,他們會以大包圍形式,不求好醜,只求就手,資深食家可能會與見習生,新手坐在同一檯,試食同一款菜式。

不久之後,好評陸續出爐,但是食評質素參差不齊,身為讀者的你們,看在眼裡會有甚麼感覺?( 數個月前在中西區某間小型Cafe,就是用這一招,但最後惹來眾人非議。)

2)一些期望寫食評,可以換取免費餐的二,三線網上食家。

基本上,現今的飲食博客生態,階級亦越來越明顯,有名氣的一班,或者是擁有高尚情操,不接受邀請的博客,是不受影響的。

既然是有名氣,像殿堂一哥般,有自己個Blog,雜誌專欄,早已視Openrice為雞肋,多年來的殿堂飯局也不屑一顧,任你嚴打又如何,關我叉事?

而我自己的部落格,與面書專頁,亦早已上了軌道,今天亦無須以開飯殿堂食家掛帥,像那杯飲料般,走出去招搖撞騙呃飯食。

對那些生產力低,一寫就寫博客活動的所謂殿堂,那就慘了。不要以為殿堂食家個名很動聽,實際上,他們的部落格,瀏覽量是很低的,舉個例,某位殿堂食家的blog,寫了兩年,平均每年二百篇文章來計,總瀏覽次數只得五萬多。我沒有去詆譭別人,只是拿著數據去說出事實。

在每篇文都一稿兩投的情況之下,還有人會再看你個Blog?Openrice的宣傳威力大減,Blog又無人看,公關們還會找你出席博客活動?

那些連Blog也沒有的,偶然也有試食機會的網上食家,也不用多說了,當然,你不志在的話,就沒所謂,但是,有幾多真的不志在?往往都是口不對心,我說的。

3)一些Marketing公司

似乎,Openrice在大多Marketing公司心目中,是一個絕佳的宣傳平台,通常他們會要求你將文章寫上Openrice。(就算你有自己的Blog,而你個Blog亦已經有一定的收視率,都要你一雞兩味。)

好了,Openrice今天把試食文置底,他們又會有甚麼應變計劃?

聽說,有關方面已經要求網上食家們,在食評上不要提及試食。

當一名網上食家的形象太過深入民心,平日只會光顧快餐店,團購,波仔飯,北上消費,一時之間升呢上酒店,你們會否覺得有鬼?

一大班人,吃同一款菜式,事後卻各自表述,與親朋戚友前來,編做出不同的理由,不要說是我,小朋友也看得穿此把戲!而且,刻意隱瞞試食,已觸犯商品說明條例。

不過,道高一尺,魔高一仗,你精我不笨,不在食評上剔試食活動,只是在文章裡面提及為試食,既可奪回食評的曝光率,亦不會抵觸商品說明條例,果然吹你唔X漲。

只是,在讀者眼中,這樣做法會覺得很樣衰,為了試食,可以去到幾盡?有幾委曲要幾委曲?要是你身為真正的人氣博客,因為一餐試食而毀了自己的聲譽。何必呢?

現今的打壓只是開始,欲知後事如何,大家吃著花生,放長雙眼看吧。

留言

秘密留言

自我介紹

藍澤千影

Author:藍澤千影
.某行業老年無能雜工一名
.不知為何喜歡東方和可愛的動漫
請多來多留言~
如發現有影片連結已被移除,歡迎通知以便本人修補,謝謝^^
PS.請勿擅自抄襲本BLOG內容
PSA.請勿用真名稱呼本人XD...

狀態:σ`∀′) ゚∀゚)σ(?)

心情音樂:ポルノグラフィティ
小型聊天室
最新文章
類別
  K-ON (44)
最新留言
月曆
11 | 2016/12 | 01
- - - - 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31
瞬間看地球(?)
FC2計數器(同一IP一天只計算1次)
來訪者統計(26/3/10開始)
free counters
搜尋欄
連結
部落格好友的申請

和此人成爲部落格好友

月份存檔
RSS連結