多得這些演員,警訊變得越來越有趣了XD

《警訊》每集都會有一些模擬罪案片段提醒觀眾小心,不過近年來這些片段越來越有趣,除了多得吳良榮、馬溱禧等演員的精彩演技外,編劇也應記一功,比起電視劇還要有趣啊XD以下貼一些影片及相關新聞~

.警訊精選 - 罪案呼籲 – 高空擲物 (2014-08-16)
.警訊 美人計,這尺度比電視台還要厲害......

.警訊精選 - 罪案呼籲 – 偷電話騙案 (2015-5-9)

(來源:香港蘋果日報)

《警訊》聞電話宅男熱爆
24歲阿寶︰我照劇本做咋!


「如陽光伴我 清新笑迎面」呢句歌詞唔再係因為鄭伊健嘅廣告而為人所熟悉啦,而係因為5月9號播出街嘅《警訊》陽光宅男。

呢集《警訊》嘅內容係講述一位宅男喺街度見到一位美人騙徒,對佢一見鍾情,而美女就借啲意問佢借電話打畀阿媽,點知借借吓就無回頭,呃咗佢部電話... ...最令大家深刻嘅畫面,就係宅男勁聞美女用過嘅電話同埋個心形密碼鎖。

自從呢集《警訊》播出街後,即刻吸引到班網民留意,大家都問點解嗰位宅男演技咁好,可以做到咁宅?《FACE》就聯絡到飾演宅男嘅「阿寶」,佢全名叫王文韜,今年24歲,以前叫王寶昕,所以大家都叫佢做「阿寶」,佢以前仲相當肥㗎,所以都有個花名叫「肥寶」,佢喺中五時就改咗名。阿寶就話畀《FACE》知,其實心形鎖係跟劇本對白講的,自己唔識set,但喺網上就見過有人set到,而聞電話嗰部份,都係跟劇本演繹,冇添加自己嘅意見落去。

對於點解可以將宅男演繹得咁入型入格,阿寶就同《FACE》講,話其實某程度上自己都係咁,佢只係將自己嘅行為再放大,而佢都話自己都算係宅宅地,不過佢就拍過2次拖㗎,只可惜最近一次因為性格不合而分手。

阿寶同《FACE》講,自己係讀科學出身,唔係戲劇訓練班,但就有參加過戲劇興趣班,自此就迷上咗戲劇,幫港台拍攝《警訊》都只係佢嘅一部份兼職,佢仲身兼幾份兼職,相當勤力㗎。對於演戲,佢話呢個係佢嘅夢想,但就有底線,就係唔想參與一啲有關性嘅角色,原因就係唔想令人覺得佢係色狼。

其實阿寶唔只拍攝一集《警訊》㗎,但多數都係飾演受害者,只有一集係佢有犯法,售賣煙花。阿寶咁好戲,真係應該要出多啲鏡先啱,如果唔係嘥咗佢啦,電影導演們有啲有宅男角色,不妨諗諗阿寶,好過演嚟演去都係嗰幾個,悶死人咩。

.警訊精選 罪案呼籲 – 假金行騙案 2015-10-31

(來源:星島頭條網)

Kelly Online:爆笑警訊片瘋傳 網民讚用心之作

近排《警訊》又有佳作,繼5月一段靚女騙徒呃走「心型鎖」毒男電話片段爆紅後,最近再有一條假金呃當舖騙案片段成為網民談論熱話,網民大讚好笑同埋「神級選角」。

今次段片講一對騙徒夫妻,諗住用假金呃當舖,結果被識穿,但過程相當搞笑。靚女騙徒色誘老闆時響起經典老歌《檳城艷》歌詞「馬來亞春色綠野景致艷雅,椰樹映襯著那海角如畫」;騙徒老公同當鋪老闆娘又跳晒舞,配上尹光《新光棍姻緣》。網民瘋狂share話又好笑又抵死,「用心之作」、「值得表揚」。

網民除咗讚幽默,仲話《警訊》係「神級選角」,笑指經常演騙徒呢位演員吳良榮係「警訊影帝」,「額頭好似有個賊字咁」。至於靚女騙徒,其實就係上次呃走「心型鎖」毒男同一個演員Heily Ma,09年開始喺港台做特約演員,佢自己都有喺facebook share返條片,仲話「每集台前幕後都係有用心去做架,支持下啦!」有網民仲留言話為咗「女神」,以後「星期六晚睇完警訊先出街食飯」。

留言

秘密留言

自我介紹

藍澤千影

Author:藍澤千影
.某行業老年無能雜工一名
.不知為何喜歡東方和可愛的動漫
請多來多留言~
如發現有影片連結已被移除,歡迎通知以便本人修補,謝謝^^
PS.請勿擅自抄襲本BLOG內容
PSA.請勿用真名稱呼本人XD...

狀態:σ`∀′) ゚∀゚)σ(?)

心情音樂:ポルノグラフィティ
小型聊天室
最新文章
類別
  K-ON (44)
最新留言
月曆
09 | 2017/10 | 11
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31 - - - -
瞬間看地球(?)
FC2計數器(同一IP一天只計算1次)
來訪者統計(26/3/10開始)
free counters
搜尋欄
連結
部落格好友的申請

和此人成爲部落格好友

月份存檔
RSS連結
全部文章連結

顯示所有文章